7. papibimoi pagbu [Book of Ruth]

1:1. ca'o lei pajni le ka xagji cu kampu lei xabji be le gugde .ije le nanmu poi xabji la beitlexem .ie'uDAS ge'u .e le speni be ra be'o .e le re bersa be ra cu fange klama le foldi poi zvati la mo,AV

1:2. .i le nanmu cu se cmene zo .elimelek .ije le speni cu se cmene zo na,oMIN .ije le re bersa cu se cmene zo maxLON jo'u zo kiLION .i ra se lanzu la .efRAT gi'e pu xabji la beitlexem .ie'uDAS .i ra vitke klama gi'e xabju la mo.av

1:3. ni'o la .elimelek noi speni la na,oMIN cu morsi .ije ri goi ko'a .e le re bersa cu stali

1:4. .i ro ri speni pa ninmu poi xabju la mo,AV ge'u poi se cmene zo .orpat jo'u zo rut .i lenu xabju cu nanca li ji'i pano

1:5. .i ji'a la maxLON .e la kiLION cu morsi .ije le ninmu cu claxu le speni .e le re bersa

1:6. ni'o ko'a vi la mo.AV tirna le nu la .iaves. pu zi sarji le ri natmi le ka xagji lo cidju kei .i la na,oMIN .e le ri be'aspe cu bregau co xrukla fi la mo,AV

1:7. .i ko'a xrukla la .ie'uDAS le ko'a zasni zdani le dargu .ije le re be'aspe cu kansa ko'a

1:8. .i la na,oMIN cusku fi le be'aspe lu re ko xrukla le zdani be le do mamta .i .a'o la .iaves. xendo do ki'u le nu do xendo le morsi .e mi

1:9. .i .a'o la .iaves rinka le nu rodo facki lo zdani surla lo do speni li'u .i ko'a cinba le be'aspe .ije ri cladu klaku

1:10. .i ri cusku lu mi kansa do le nu klama le do natmi li'u ko'a

1:11. .i la na,oMIN cu cusku lu .uinai doi tixnu ko xrukla .i ki'u ma do kansa mi .i paunai mi xu ba rorci lo bersa poi ba speni do

1:12. .i doi tixnu ko xrukla .i mi citme'a le speni binxo .i .a'onai da'i mi ca speni gi'e rorci re bersa

1:13. .i paunai do xu denpa lenu le bersa cu makcu kei le ka nalspeni .i nago'i doi tixnu .i mi selkurkymau do .iri'abo le xance be la .iaves. cu gunta mi

1:14. .i le be'aspe di'a cladu klaku .i la .orPAT cu tolrinsa cinba ko'a .iku'i la rut cu snipa ko'a

1:15. .i la na,oMIN cu cusku lu za'a le do spebu'aspe cu xrukla le ri natmi .e le ri cevni .i ko kansa ra li'u

1:16. .i la rut cu dafcusku lu na ko minde mi le nu mi cliva do gi'a xrukla kei .i .ai.i'i mi kansa do le nu klama .ije mi kansa do le nu stali .i le natmi be do cu natmi mi .ije le cevni be do cu cevni mi

1:17. .i ai.i'i vi lemu'e do mrobi'o kei mi mrobi'o gi'e se derni'agau .i .aicai noda poi na'e nunmorsi zo'u da tersepli mi do .ija la .iaves. cu jursa sfasa mi

1:18. .i la na,oMIN cu sanji ledu'u la rut .ai cu kansa ko'a .isemu'ibo ko'a sisti co sa'urmi'e ra

1:19. ni'o le re ninmu fe'epu'o klama la beitlexem .i ca lenu ra mo'u klama kei piro lei tcaxa'u cu cinmo fi ra .ije le ninmu cu cusku lu .ui.ianai la na,oMIN zvati li'u

1:20. .i ko'a cusku lu .uinai ko cmerinsa mi zo na'oMIN na.e zo maRAT .imu'ibo la caDAIS cu gasnu lenu leli'i mi jmive kei cu kurki

1:21. .i mi mulno ca lenu mi cliva .iku'i mi kunti ca lenu la .iaves. cu xruti mi .i .a'onai ko na cmerinsa mi zo na,oMIN .i la .iaves. cu raktu mi .i la caDAIS cu malfu'agau fi mi

1:22. .i la na,oMIN ce la rut noi se natmrmo'avi ge'u noi be'aspe ko'a cu xrukla la beitlexem la mo.AV mo'u lenu co'a crepu loi bavmi

2:1. ni'o ko'a se ckini fi tu'a le nakspe no'u la .elimelek le vlipa be <xaiil> be'o nanmu beme'e zo bo,az

2:2. .i la rut. noi se natmrmo'avi ge'u goi ko'e cu cusku fi la na,oMIN lu pe'u mamta mi klama le foldi gi'e velvi'ucrepu le grustani le foldi lo selpu'a betu'a mi li'u .i ko'a cu cusku lu je'e tixnu ko klama li'u

2:3. .i ko'e klama gi'e velvi'ucrepu le grustani le foldi le crepu .i ko'e se funca le nu le <xelkat> foldi se ponse la bo,AZ noi se lanzu la .elimelek

2:4. .i la bo,AZ cu klama fi la beitlexem. gi'e cusku fi le crepu lu la .iaves. cu kansa do li'u .i spusku lu la .iaves. cu zabgau do li'u

2:5. .i la bo'AZ cu cusku lu le va citno ninmu cu ckini ma li'u le citno jatna be le crepu

2:6. .i ri spusku lu ta se natmrmo'avi gi'e kansa la no,eMIN le nu klama fi la mo,AV

2:7. .i ra cusku lu .e'o mi velvi'ucrepu le grustani fo le crepu li'u .i ra zvati le foldi ca ze'apu le cerni de'a lenu surla ne'i le zdani li'u

2:8. .i la bo,AZ cu cusku lu ju'i tixnu ko na velvi'ucrepu fi lo drata foldi .ije ko na cliva ti .ije ko nipkansa le mi citno ninmu

2:9. gi'e catlu le foldi gi'e jersi ra .iki'ubo mi minde lemi citno lenu na pencu do .i do pinxe fi le vasru poi te pinxe fi le selfu ku'o vau do lenu do tasku li'u la rut

This document was generated by www-data on May, 23 2009 using texi2html 1.76.