4. papiremoi pagbu [Book of Exodus]

1:1. ni'oni'o di'e cmene le panzi be la .isra,EL poi kansa la .iaKOV lenu nerkla la misra,im zi'e noi roce'u cu se kansa le ce'u lanzu

1:2. .i zo ruVEN .e zo cim,ON .e zo leVIS. .e zo .ie'uDAS

1:3 .e zo .isasxar .e zo zyvuLUN .e zo biniaMIN.

1:4 .e zo dan .e zo naftaLIS. .e zo gad .e zo .aCER.

1:5. .i le'i ro prenu poi selkra le plibu be la .iaKOV cu se kancu fi li zeno .iku'i la .ioSEF pujeca zvati la misra,im

2:1. ni'o le nanmu lazmi'u be la leVIS. cu spebi'o le tixnu be la leVIS.

2:2. .i ri goi ko'e cu frebi'o gi'e se jbena le bersa goi ko'a .i ko'e ga'ezga ko'a le ka xamgu gi'e mipri ko'a ca'o le masti be li ci

2:3. .iba'o lenu ka'e mipri kei ko'e lebna le misryplespa lanku gi'e badgau lo tarla joi pesxu ly gi'e nerpu'i le cifnu ly gi'e punji ly le xagryspa ne'a la nil.

2:4. .i le mensi be ko'a vu sanli tezu'e lenu djuno ledu'u mokau ko'a

2:5. .i le tixnu be la par,ON cu dzikla tezu'e lenu lumci fo la nil. .i le nixli pe ty cu cadzu te'e la nil .i ty viska le lanku be ne'i le xagryspa gi'e minde le ty fetsefta lenu cpacu .i te bevri le lanku

2:6. gi'e kargau gi'e viska le klaku cifnu .i cusku lu .uu ti xebro cifnu

i la moCES cusku fi le cevni fe lu ru'a mi klama lei panzi be la iisra,EL gi'e cusku fi py fe lu le cevni be lei dzena be do cu benji mi do li'u i da'i py cusku fi mi fe lu ma cmene cy li'u i mi cusku ma fi py li'u

i le cevni cu cusku fi la moCES fe lu lu e'IEX aCER e'IEX li'u i ko cusku di'e lei panzi be la iisra,EL i la e'IEX cu benji mi do li'u

i le cevni cu za'ure'u cusku fi la moCES fe lu ko cusku di'u le lanzu pe le bronai i lu la turni poi cevni lei dzena be do zi'epoi cevni la avra'AM zi'epoi cevni la iitsXAK zi'epoi cevni la iaKOV cu benji mi do i cmene mi ze'eku gi'e termojysni mi ca ro rorke'u li'u li'u

9:22. .i la .iaves. cusku lu ko tengau le xance le tsani tezu'e lenu le bratu ve'e le misrygu'e cu carvi le remna .e le danlu .e ro spati pe le foldi be vi'a le misrygu'e li'u

9:23. .i la moCES. tengau le grana le tsani .i la .iaves. gasnu le bratu .e le savru .i le fagri cu klama le terdi .i la .iaves. cavgau le bratu le misrygu'e

9:24. .i le bratu ku joi le fagri cu se simle'a

9:31. .i le matli .e le bavmi cu se daspo .iseja'eke le bavmi cu banro la .aVIV .ije le matli cu banro la giv,OL

9:32. .iku'i le maxri .e le maxrnspelta na se daspo gi'e seja'ebo toltinsa

20:1. ni'o la cevni cu cusku piro di'e

20:2. .i mi'e .iaves noi cevni do mi livgau do le misro gugde noi selbaigu'a zdani

20:3. .i lo drata be mi na cevni ko

20:4. .i ko na zbasu lo jdaseltai co tamsmi be da poi zvati le galfi tsani .a le dizlo terdi .a le dizlo be le terdi be'o djacu be'o

20:5. .i ko na jdasi'a ja selfu lo jdaseltai .iseki'ubo mi no'u la .iaves noi cevni do ku'o ku'o jilra cevni .i da poi xebni mi zo'u le pazypazypanzi .e le pazypazypazypanzi cu lifri le velsfa be da

20:6. .ije mi xendo so'iki'o da poi prami mi gi'e tinbe le te minde be mi

20:7. .i ko na xalbo le cmene be la .iaves noi cevni do .iku'ibo da poi xalbo le cmene be la .iaves noi cmene da zo'u la .iaves na xusra ledu'u da zercau

20:8. .i ko morji lenu cesri'a le surdei

20:9. .i ca'o lo djedi be li xa ku ko gunka gi'e zbasu ro le selzba be do

20:10. .iku'i le zemoi djedi cu surdei ca'i la .iaves noi cevni do .i ko na gunka ca'o ra .ije le bersa .a le tixnu .a le nakni ja fetsi selfu .a le mabru .a le fange poi nenri leko vorme nago'i

20:11. .iki'ubo la .iaves cu zbasu le terdi .e le xamsi .e le se vasru be ri ca'o lo djedi be li xa gi'e surla ca'o le zemoi djedi .iseki'ubo la .iaves cu zabgau gi'e cesri'a le zemoi djedi

20:12. .i ko sinma le patfu be do .e le mamta be do mu'i lenu do ze'u jmive vi le tumla poi la .iaves noi cevni do cu dunda fi do

20:13. .i ko na zercatra

20:14. .i ko na datspegle

20:15. .i ko na zerle'a

20:16. .i ko na jitfa xusra tu'a lo xa'ujbi be do

20:17. .i ko na djica tu'a le zdani be lo xa'ujbi be do be'o goi ko'a .i ko na djica tu'a le speni be ko'a .a le selfu be ko'a .a le verku'i be ko'a .a le ko'a bakni .a le ko'a xasli .a da pe ko'a

This document was generated by www-data on May, 23 2009 using texi2html 1.76.