15. repimumoi pagbu [Acts of the Apostles]

LE SELZU'E BE LE NOTYJANSU

6:1. ni'oca'obo ca'o lenu le'i tadni cu zmadu kei lei xelso cu cmopante fi lei xebro fe le nu le ra mrospeni'u cu roldei kurji se toljundi

6:2. .i lei pare co'e cu jajmi'e lei so'i tadni gi'e cusku lu lenu mi cliva le selsku be la cevni gi'e selfu fi tu'a le jubme kei na racli

6:3. .iseki'ubo doi bruna ko cuxna fi do fe ze vrude selzga nanmu poi culno le censa pruxi zi'e noi mi ba seljibgau ke'a la'e de'u

6:4. .i mi ba stodi lenu ceicpe .e lenu selfu le selsku li'u

6:5. .i di'e pluka piro lei so'i co'e .i cuxna la STEfanos. noi culno le kamkristo .e le censa pruxi ku'o .e la FIlipos .e la nikanor .e la timon .e la parmeNAS .e la niKOla,os. no'u le seljdabi'o pe la antioxias. vu'o

6:6. noi sa'irgau ke'a ca'u lei notyjansu .i ri jdasku punji le xance ra

6:7. .i le selsku be la cevni cu preja .i le terkancu be le'i tadni be ne'i la .ierucala,im mutce zenba .i lei so'i jdaka'i ji'a cu tinbe le se krici

This document was generated by www-data on May, 23 2009 using texi2html 1.76.