From: "michael helsem"
To: [email protected]
Subject: cukta1
Date: Thu, 06 May 1999 10:26:21 PDT
Mime-Version: 1.0
Content-type: text/plain; format=flowed;
Content-Length: 5592
Status: O
di'e ciksi prosa levi pemci cukta poi se tcita lu luryri'e li'u
.itu'efu'epe'icu'i zo pemci cu nibli fi la lojban. fe lesu'u lo ve pemci
pu'i ja nu'o zasti .ijonaibabo ciskycusku lo za'e valsi morna ni'o mi'o se
pemci fu'o .i ju'a naku zo'u lo se pemci cu se rinka po'o gonai le purci poi
xlura gi le larcu tcaci poi fange .i da poi ko'a goi lo bangu le tcini be
leko'a se bangu be'o po'u ma'i ge ge lo temci gi lo canlu gi loi sarcu ku'o
cu ckini tu'a ke'a ge'u zo'u da cfari gi'e mulgau vau le ko'a se pemci
nuncumki .i da nu'o se tcita lu le pevyxagji be lo steci xanri vau li'u to
ba'e po'o da snada merli lo larcu troci toi no'i lo poi fu'epe'a viska vo'a
sepi'o le minra fu'o pe le bi'unai valsi larcu ku'o ku'o tcidu ba vlipa je
cnino ve pemci tu'u
.i di'e se tcita lu banzgu li'u .itu'e
simsa puzuki falenu la kamtei
co'u vlipa
co finti lo cnino .ije
la kambau ca'o sincydzu
setai le lijgri
bele tilju carce poi litru
le pavyganra dargu
.i simsa
falenu puse cusku
fa roda .eji'a
leka vrucau .i loi bangu
di'i canci .i le norbau
po'o cu mivzenba
vau .uusai
.i cerni nu gusni
.ije selsumne lo ricfoi
pe lei cmana .i la jycybyb.
cu terpreti fe de poi
lo remna ke'a djica
.i nitcu ma
.i di'u zo'u sa
.i lo verba pu kelci vi le
korbi bele cinfo skari
rirxe calenu sruri
fa lei jmive tarci
poi farlu fi le datytsani
ni'o ma'a ba salci
le speritli pe la kamcizra
.e la kamkli .i ku'i
pu la'edi'u
ku ba nunjamna vi le cevzda
ni'o nodi zmadu lo logji
leka cizra lo remna
menli .isemu'ibo la
ranxi cu dunda
fi la jycybyb. fela pruxi
belo sirji linji
segau lenu jitro lerixici
selfinti .i noda ka'e
zmadu lo nunkli leka
nitcu ja djica
ce'u falei selcfipu
.isemu'ibo
la fetcevni poi jimpe ciksi
cu dunda fila jycybyb.
fele rotsu derxi
le ciksi pelji .ije
xamgu ni'o la prometibab.
cu lebna lo lojbo fagri
gi'e dunda ri loi remna
.ije xamgu zmadu ni'o
ma'a ca'o klacpare fo
le ve vimcu po'u la bebl.
i ma'a ca'o sanga le
kafkyselsanga pe de poi
le dimna danmo cu rairdenmi
vi ke'a .i ma'a ca'o
cpedu ge lenu gunma befa
la cmilycevni .e la
nunjmitsa fetcevni be'o
binxo kei gi
le bangu po'o po'unai
lo le bacterdi ku vidru
tu'u
.i lu le brife ri'a le nalci pelo lobzgi li'u tcita di'e .itu'e
puki filei le jbotut.
cmana pu co'anai tavla
.i go'i fileri ctino co
carmyzirpu .i go'i
fi lei danlu sutra
.e lei spati masno
.i go'i file tsani co skari
befo noda poi na'e
vizyzva .i go'i fi
lei kobli .e lei pamei
cedlidne .e lei sorgu
.e lei pijveljdima
.i go'i fi lei to'e morji ja
no'e morji ja morji be le mijyjbo
.i go'i fi lei pemcrxaiku.
.e lei pemcrdrotkueit.
e lei valsi morna .e lei
pemci be da poi pu'o
cusku kai la jbotut.
i go'i filei tarci
.e lei tarkemnimcevni
.i go'i fi lei mu'e desku
tumla kei .e lei toldi
poi jmive ti'u le cimni
.i di'u zo'u ni'inai ri ku
fi lei xamsi cu tavla pu'o
tu'u .uonairu'e
.i lu klakydirgo dargu li'u tcita di'e .itu'e
nunynordimna xiny.bu
.i .o'enai runta
.i cerkemxemklatro co
mela mibycac.
.i lajragve ctino
fa le mo'ine'u
nunkla ku ru'inai
sekai leika cnino
minjyvru .i mi rubjme
le selcni belenu xruti
fi le mitselzva vi le
plinypluta .i nagu'e
se morji gi marji zmadu
.i mocycai gusycro
ne'i lenu norsanji
lisfle ni'oni'oni'o
da'i janli .iicai
.i .o'onai bacru lu doi
cevypro karcytro li'u
.ije mi klama di'a
tu'u
.i lu sedrajvelyle'i pe'a li'u tcita di'e .itu'e
gu tcesalci fa ko
lenu le tercli cukta
ba'o mulno binxo kei
doi po la jbotut. prenu
gi do lobysku kakne
tu'u
.i lu xekcpi ctino li'u tcita ledi'e pemci .i tu'e
le musmalsi simsa pemci
no pixra cu vasru
.i le vidysince
simsa pemci
cu denpa je vreta
.i sisti fa lepu'u
saurkarce
simsa pemci
kei so'oroi be le
co'u nunkla
.i mi ge nenri
le ckafybarja
noi xanri vo'a
gi ciskycusku
gi'e fliba lenu fe ra skicu
tu'u
.i lu lizyzi'e li'u di'e tcita .itu'e
vi le rolzda co ve vimcu ku
da na jimpe de
.i crino je ranxi selkabri ke
se sumne se morji vau .i'u
.i fu'e.i'unai le sfofa fagri
bi'unai pu mlufau
.i ko lo drata mi cu cpedu vau .iu
.i velpemci tamca .i
xunre joi blanu joi crino ranloi
cei broda vau .i'unaisai
.inaku ma'a datytsani broda
cadzu fu'o pu'o le broda pupragve voi casnu ve'a ke'a
le xazdo stagytai da'inai
tu'u
.i lu la .yburekyz. e levi rirxe li'u tcita di'e .itu'e
gu'u naljinsa djacu
gi ga kunti gi culno
.i .a'i le puzu mibdri
goi ko'a simsa
.i ko'a go to'e gleki
gi xumcau .uusai .ijonai
ko'a go kusyvli gi
xumkansa .u'ucai
.izuku mi cusku co preti
ledu'u cerda fa ko'a
le pe ma terdi palci
pu lenu re gunma co'a
.i viska ko'a su'eroi
ca le de'a sfubu
pe'a zu'i .ije
mi'a .ii da'o co'e
tu'u
.i lu pikci najo cuxna li'u tcita ledi'e pemci .itu'e
pau leza'o pezli
noi pelri'o
zi'a noi pelxu'e
zi'a noi
xunbu'e ku'o co'u
stali sedu'o
.ije xu ri
vizbei lo danfu
be ko'a goi le selpo'i
poi mi ke'a
jgari .ija xu
ko'a velru'e
po'o da poi mi ba'o
klama fi ke'a
.i da'are'u ku
nupre bacru
.i ko porpi le
selpo'i .i
mafyvla le fanmo be
le nunpa'a
tu'u
.i di'e se tcita lu le le pu mi ku cukta vau li'u .itu'e
le ba'o mela'e zo
.u'ecaire'e zo'u
mi morji co milxe
.i fu'epe'a lunra ctino fu'o
.i xu le poi cliva ke'a
zi'e poi nenri le karce
ku'o mela kok. me'o ca'o
ckaji leka mela kok.
kei be lenu vo'a reroi
mu'e glabi'o sela'u li
su'o pareno
tu'u
fe'onai
_______________________________________________________________
Get Free Email and Do More On The Web. Visit http://www.msn.com